7 نصائح لتغليف شحنتك بشكل صحيح

أغلب التلفيات اللي بتحصل للشحنات سببها تغليف ضعيف، مش الطريق. علشان كده جمعنالك أهم النصائح اللي بنطبقها في تيم يوميًا.

1. اختار كرتونة جديدة ومناسبة للحجم

الكرتونة المستعملة بتفقد جزء كبير من قوتها. اختار مقاس يسيب مسافة 5 سم تقريبًا حوالين المنتج من كل الجهات.

2. املأ الفراغات

استخدم فقاعات الهواء أو الورق المجعد علشان المنتج ما يتحركش جوه الكرتونة.

3. لف كل قطعة لوحدها

لو الشحنة فيها أكتر من قطعة، لف كل واحدة لوحدها خصوصًا القطع القابلة للكسر.

4. استخدم شريط لاصق قوي

اقفل الكرتونة بطريقة حرف H على الفتحة من فوق ومن تحت.

5. اكتب البيانات بوضوح

اسم المستلم، رقم موبايل شغال، والعنوان بالتفصيل مع علامة مميزة.

6. شيل الملصقات القديمة

أي باركود أو عنوان قديم على الكرتونة ممكن يلخبط عملية الفرز.

7. بلّغنا لو الشحنة قابلة للكسر

هنحط عليها علامة "قابل للكسر" ونتعامل معاها بعناية خاصة.